Assalamulaikum Peeps, Alhamdulilah, Ramadhan muncul lagi..

On behalf of the Kurapak Crew, me Alin, ingin mungucapkan Selamat Menyambut Bulan Ramadhan to all muslimin dan muslimat di tanah air mau pun di luar negara nun jauh disana,

Di bulan yang mulia ani, mari tah kitani menjalankan ibadah semampu-mampunya, terutama laki-laki, jangan lupa sembahyang tarawikh ah, macam-macam tu kelebihannya on each night, masjid sana sini udah jalan kaki pun inda sampai 10 minit.

To orang-orang yang keraja di opis atu, jangan tah kan escape puasa sal me pun dulu pernah escape puasa makan menapau nasi campur di lambak arah hampir nasi katok atu time me inda berakal and me akui menyasal me banar-banar and terpaksa pulang membayar hutang puasa. believe it or not, kalau inda puasa sebulan, inda siuk behari raya tu yow. astee..

And to kanak-kanak yang alum berapa dewasa, andang practice tah dari damit ani puasa so sudah basar kebiasaan sudah. Macam me dulu lain, parents me and uncle-uncle me membagi upah kalau full sebulan.,ada yang membagi 10$, ada jua yang membagi 50$, siapa jua inda mau? dapat jua mambali kasut, gel rambut, baju pitak-pitak, stukin  thunder cats dan seluar katak baru for Raya.

Walaupun dulu masa damit atu puasa kerana duit, udah basar berubah chia sal kebiaksaan. Inda me tau teknik perents-parents masa ani ah. mungkin ada lagi yang lebih baik and advance, janji manith & effective!

And to chix-chix  yang uzur yakni inda dapat puasa, please jangan tah kan makan segala kabab, pais daging, cindul-cindulan  or apa saja yang membuat air liur melilih sampai ketelinga dapan orang puasa,  hormat menghormati budaya kitani, karang orang puasa teseliur cemana? kalaunya batal, you all jua yang bedusa, inda ja? jaaa.

Okie atu saja ucapan me yang inda seberapa ani, sorry if tekasar bahasa and mudahan amalan kitani di Bulan Ramadhan ani diberkati and diterima Allah SWT, Amin ya rabal Alamin...

Cheers & Regards
Alin The Kurapak Guy
Ramadhan 2008